मेक्सिकोले अमेरिकालाई लगायो मुद्दा

मेक्सिको । अमेरिकाका केही ठूला बन्दुक उत्पादक कम्पनीहरु विरुद्ध मेक्सिकोले १० अर्ब डलरको मुद्दा हालेको छ । लापरवाही ढंगले व्यापारिक फाइदाका लागि अमेरिकाले रक्तपातलाई बढावा दिएको भन्दै मेक्सिकोले क्षतिपूर्तिको मुद्दा हालेको हो । अमेरिकी हतियार निर्माता कम्पनीहरुले मेक्सिकोका लागुऔषध तस्कर तथा अन्य आपराधिक समूहलाई तस्करीमाफर्त बन्दुक उपलब्ध गराउने गरेको आरोप मेक्सिकोको छ ।अमेरिकाका स्मीथ एण्ड वेसन, बारेट फायरआर्म्स लगायतका कम्पनीविरुद्ध मासाचुसेट्स राज्यको अदालतमा मुद्दा दायर गरिएको हो ।

मेक्सीकोमा हुने हतियार तस्करीको ७० प्रतिशत अमेरिकाबाट हुने गरेको दाबी पनि गरिएको छ । आफ्ना उत्पादनहरु तस्करी भएर आपराधिक समूहसम्म पुगेको जानकारी भएर पनि ती कम्पनीहरुले त्यसलाई रोक्न कुनै प्रयास नगरेको मुद्दामा उल्लेख गरिएको छ ।