- २९ श्रावण २०८३, शुक्रबार / Aug 14, 2026
मेक्सिको सिटी । मेक्सिको बस दुर्घटनामा कम्तिमा २९ जनाको मृत्यु भएको छ । दक्षिणी राज्य ओक्साकामा बुधबार राति बस सडकबाट ८० फिटको खोँचमा खसेर भएको दुर्घटनामा एक वर्षीय बालकसहित २९ जनाको मृत्यु भएको हो ।
१९ जना घाइते भएका छन् । बस मेक्सिको सिटीबाट ओक्साकाको योसुन्दुआ जाँदै थियो । पेनास्को गाउँ नजिकै उक्त दुर्घटना भएको हो । मृत्यु हुनेमा १३ पुरुष, १३ महिला र एक वर्षका बालक रहेका छन् । मृत्यु हुनेको संख्या बढ्न सक्ने जनाइएको छ ।
दुर्घटनाको अनुसन्धान सुरु भइसकेको जिसस रोमेरोले बताए । प्राविधिक गडबडीका कारण दुर्घटना भएको हुन सक्ने अनुमान गरिएको छ । चालकले बसको नियन्त्रण गुमाएपछि बस खाल्डोमा खसेको हो । सिभिल प्रोटेक्सनको उद्धार टोलीले घाइतेलाई सरकारी अस्पताल लगेर गएका छन् भने क्रेनको सहायताले बस निकालिइएको थियो ।
