युक्रेन सँगको युद्धका क्रममा रुसी सेनामा रहेका चार नेपालीको मृत्यु

काठमाडौं । रुसमा चार नेपालीको मृत्यु भएको पुष्टि भएको छ । रुसी सेनामा सम्बद्ध ४ जना नेपालीको युक्रेन सँगको युद्धका क्रममा मृत्यु भएको हो । मृत्यु हुनेमा स्याङ्जाका प्रितम कार्की, दोलखाका राजकुमार रोक्का, इलामका गंगाराज मोक्तान र गोरखाका सन्दीप थपलिया रहेको मस्कोस्थित नेपाली राजदूतावासले ढिलोगरि जनाएको छ ।

उनीहरू युद्धकै क्रममा रुसी सेनामा भर्ती भएर लडाइँमा गएका थिए । उनीहरुमध्ये तीन जनाको गत १५ नोभेम्बर (कार्तिक २९) गते र अर्का एकको असार २९ मै मृत्यु भएको पुष्टी भएको नेपाली दूतावासले परराष्ट्र मन्त्रालयलाई एक पत्र पठाई चार जना नेपालीको मृत्यु भएको पुष्टि गरेको हो ।