- १२ मंसिर २०८०, मंगलवार / Nov 28, 2023
सुर्खेत । सामुदायिक रेडियोमैत्री कानून बनाउन स्थानीय र प्रदेश सरकारलाई सरोकारवालाले सुझाव दिएका छन् । नवौँ विश्व रेडियो दिवसको अवसरमा कर्णाली प्रदेशको राजधानी वीरेन्द्रनगर सुर्खेतमा आयोजित अन्तरक्रियामा बोल्ने वक्ताहरुले सामुदायिक रेडियोको हितमा नयाँ सञ्चार नीति नभएको जिकिर गरे ।
सामुदायिक रेडियो प्रसारक सङ्घ (अकोराब) कर्णाली प्रदेशले मङ्गलबार आयोजना गरेको सो कार्यक्रममा नेपाल पत्रकार महासङ्घका केन्द्रीय सदस्य कलेन्द्र सेजुवाल, अकोराबका प्रदेश सदस्य सूर्यप्रकाश कँडेल, अकोराबका वरिष्ठ केन्द्रीय उपाध्यक्ष अर्जुन गिरीलगायतले सरकारले कानूनमार्फत समुदायको आवाज रोक्ने कुचेष्टा गरिरहेको आरोप लगाए।
स्थानीय र प्रदेश सरकारले सामुदायिक रेडियोमैत्री नीति तथा कार्यक्रम ल्याउन नसकेको गुनासो गर्दै उनीहरुले राजनीतिक हस्तक्षेप र सरकारी सहुलियत नपाउँदा सामुदायिक रेडियो धरासायी नजिक पुगेको बताए । सामुदायिक रेडियोले सामाजिक चेतना अभिवृद्धिमा पु¥याएको योगदानको कदर गर्नुको सट्टा सरकार कानूनमा कडाइ गर्ने पक्षमा मात्र देखिएको जिकिर गरे ।
कार्यक्रममा उठेका गुनासालाई नजिकबाट नियालिरहेका आन्तरिक मामिला तथा कानूनमन्त्री नरेश भन्डारीले प्रदेश सरकार सञ्चारमैत्री रहेको दावी गरे । पत्रकारले यसमा आशङ्का नगर्न आग्रह गर्दै मन्त्री भण्डारीले कर्णालीको समग्र सञ्चार क्षेत्रको विकासका लागि छिट्टै आमसञ्चार प्रतिष्ठान गठन गरिने बताए ।
त्यस्तै कार्यक्रममा वीरेन्द्रनगरका उपप्रमुख मोहनमाया ढकाल, प्रेस सङ्गठन नेपालका प्रदेश संयोजक वीरबहादुर गिरी, नेपाल प्रेस युनियनका केन्द्रीय सदस्य खगेन्द्र भट्टराई, पत्रकार महासङ्घ कर्णाली प्रदेशका अध्यक्ष दुर्गा थापा, सुर्खेत शाखा अध्यक्ष गणेशकञ्चन भारतीलगायतले सामुदायिक रेडियोको भूमिकाका बारेमा प्रष्टयाएका थिए।
उनीहरुले रकारले सामुदायिक रेडियोमैत्री नीति ल्याउन नसकेकामा ध्यानाकर्षण समेत गराए । साथै अकोराबले सामुदायिक रेडियो र विविधता विषयक खुला बहसको आयोजना गरेको थियो । उक्त बहसमा कर्णाली प्रदेश योजना आयोगका सदस्य डा. दीपेन्द्र रोकाया, मध्यपश्चिमाञ्चल विश्वविद्यालय आमसञ्चार तथा पत्रकारिता विभागका संयोजक उपप्राध्यापक युवराज शर्मालगाएतको सहभागिता रहेको थियो ।
यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।
रुकुम । जाजरकोट केन्द्रविन्दु भएर गएको भूकम्पमा परेर मृत्यु भएका रुकुमका सबै मृतकका परिवारले नगद राहत बुझेका छन् । गत कात्तिक २४ र २५ गते पहिलो चरणमा राहत रकम...
काठमाडौँ । विज्ञान प्रविधिसम्बन्धी विश्वस्तरको प्राज्ञिक संस्था ‘द वर्ल्ड एकेडेमी अफ साइन्स एण्ड टेक्नोलोजी’ (ट्वास) को प्राज्ञ (फेलो) मा दक्षिण एसियाका तर्फबाट नेपालका रसायनशास्त्री प्रा.डा. हेमराज पन्त चयन हुनुभएको...
काभ्रे । चाडपर्वमा हुने सवारीसाधन दुर्घटनाको ख्याल गर्दै आज बिहानदेखि जिल्ला प्रशासन कार्यालय काभ्रेपलाञ्चोकले टिपर सञ्चालनमा रोक लगाएको छ । घटस्थापनाकै दिन पाँचखालमा टिपरको ठक्करबाट एकको ज्यान गएपछि बुधबार...
काठमाडाैं । हिमालपारिको जिल्ला मुस्ताङको मुक्तिनाथमा पर्यटकको चहलपहल बढ्न थालेको छ । भोलिदेखि सुरु हुने पितृपक्ष (सोह्रश्राद्ध) का लागि विभिन्न स्थानबाट आउने धार्मिक पर्यटकको चहलपहल बढेको हो । हिन्दू...
