- ८ श्रावण २०८३, शुक्रबार / Jul 24, 2026
काठमाडौं । राष्ट्रिय शहीद तथा शान्ति पार्क निर्माण स्थलमा युनेस्को सङ्ग्रहालय ग्राम यज्ञडोल बन्ने भएको छ । शिक्षा, विज्ञान तथा प्रविधि मन्त्रालयअन्तर्गतको युनेस्कोका निमित्त नेपाल राष्ट्रिय आयोग र शहीद स्मारकको संयुक्त प्रयासमा ग्राम निर्माण गर्न लागिएको हो ।
शहीद स्मारक निर्माणस्थलको ६५० रोपनी जग्गामा ग्रामसहित युनेस्को सङ्ग्रहालय बनाइनेछ । शिक्षामन्त्री गिरिराजमणि पोखरेलले नेपालमा युनेस्को ग्राम निर्माण गर्नु महत्वपूर्ण काम हुने बताए ।
शिक्षा, विज्ञान र संस्कृतिका क्षेत्रमा ग्रामले अनुसन्धानका लागि काम गर्ने जानकारी दिए । परियोजना कार्यालयका माध्यमबाट नागरिकलाई सीप सिकाएर स्वरोजगार नागरिक उत्पादन गर्ने लक्ष्यसमेत कार्यालयले राखेको मन्त्री पोखरेलको भनाइ थियो ।
