संसद बैठक २ बजेसम्मका लागि स्थगित

काठमाडौं । विहान ११ बजेका लागि बोलाइएको प्रतिनिधिसभाको बैठक दिउँसो २ बजेसम्मका लागि स्थगित भएको छ । बजेट निर्माणमा अनधिकृत व्यक्तिको संलग्नता रहेको भन्दै नेकपा एमाले छानविन हुनुपर्ने भन्दै आएको र बैठक दिउँसो १ बजेसम्म सुरु हुन नसकेपछि सूचना टाँसेर बैठक सारिएको हो ।

एमालेले अर्थमन्त्री जनार्दन शर्माले अनाधिकृत व्यक्तिलाई बजेट निर्माणमा संलग्न गराएको छानबिनका लागि संसदीय समिति बनाउन माग गर्दै आएको थियो । बुधबारको बैठक नै रोकर सभामुखको कार्यकक्षमा भएको छलफलमा नेकपा माओवादी केन्द्र छानबिन समिति बनाउन सहमत देखिएको छ । यद्यपिः नेकपा माओवादी केन्द्रबाट अर्थमन्त्री रहेका शर्माले आफ्नो धारणा प्रतिनिधिसभामा राख्न चाहेका छन् भने नेकपा एमालेले सत्यतथ्य छानविनमा सहयोग गर्न भनिरहेको छ ।

अर्थमन्त्रीका विषयमा संसदमा रहेका प्रमुख दलहरुबीच छलफल चलिरहेको छ ।