अज्ञात समूहले उपप्रमुखको गाडी जलायो

६ साउन २०७७ कैलाली । घोडाघोडी नगरपालिकामा अज्ञात समूह उपप्रमुख प्रेम कुमारी थापाले प्रयोग गर्दै आएको गाडी जलाएको छ । से १ झ २४१ नम्बरको स्कारपियो गाडीमा गएराती आगजनी गरिएको हो ।

थापाको घरमा पार्किङ गरि राखिएको अवस्थामा आगजनी भएको कैलालीका प्रहरी नायव उपरीक्षक प्रतिक विष्टले कैलाश खबरलाइ जानकारी दिए । गाडीको पछाडी पट्टिको भाग जलेको छ भने जलाउनेको खोजी कार्य भैरहेको प्रहरीको भनाइ छ।
आगजनी कसले गरेको हो भन्ने नखुले पनि अनुसन्धान गरेर पत्ता लगाइ छाड्ने प्रहरीले बताएको छ ।