अर्बौंको सरकारी जग्गा हडपेको आरोपमा नेकपा नेता पक्राउ

झापा । दमकस्थित १० बिघा जग्गा हडपेको अभियोगमा नेपाल कम्युनिष्ट पार्टी (नेकपा) का प्रदेश १ कमिटी सदस्य रेवतराज पुरी (गगन) पक्राउ परेका छन् ।

सम्पत्ति सुदृढीकरण अनुसन्धान विभागले काठमाडौंबाट हिरासतमा लिएको हो। पुरीलाई दमकस्थित जग्गा हडपेको प्रकरणमा बयानका लागि विभागले हिरासतमा लिएको हो।

हिरासतमा लिइएका पुरीलाई १५ दिनको म्याद लिएर अनुसन्धान गरिने जनाएको छ । यो प्रकरणमा पुरी यसअघि पनि २०७६ चैत ७ गते जिल्ला अदालत झापामा उपस्थित भएका थिए।