बजार क्षेत्रका बिद्यालय भोलीबाट बन्द

खलंगा । रुकुम पश्चिमको मुसीकोट नगरपालिका वडा नं १ र ५ का विद्यालय भोलीबाट बन्द हुने भएका छन् । १६ जना कोरोना संक्रमित थपिएपछि भोली देखि बजार क्षेत्रका बिद्यालयहरु अर्को निर्णय नभएसम्मका लागि बन्द हुने भएका हुन् ।

कक्षा १२ को परीक्षालाइ भने कुनै बाधा पारिने छैन । त्यस्तै बजार क्षेत्रमा बेलुकी ५ बजेदेखि बिहान ८ बजेसम्म मात्र मालबाहक गाडि संचालन हुन पाउँने प्रमुख जिल्ला अधिकारी बद्रीनाथ गैह्रेले जानकारी दिए ।

खलंगा र शेरीगाउँ लगायत ठाउँका बजार क्षेत्रका पसलहरु बिहान ६ बजेदेखि दिउँशो ३ बजेसम्ममात्र खुल्ला हुने छन् भने बैंक तथा वित्तिय संस्थाहरुमा भिडभाड नहुने गरी सेवा प्रवाह गर्न निर्देशन गरिएको छ ।