आज मन्त्रिपरिषद् हेरफेर हुदै

काठमाडौं । सरकारले आज मन्त्रिपरिषद् हेरफेर गर्ने भएको छ । प्रधानमन्त्री निवास बालुवाटारमा मंगलबार साँझ बसेको मन्त्रिपरिषद् बैठकमा प्रधानमन्त्री ओलीले मन्त्रिपरिषद् हेरफेर गर्ने तयारीमा आफू रहेकोले सार्वजनिक कार्यक्रम नराख्न मन्त्रीहरूलाई निर्देशन दिए।

मन्त्रिपरिषद्का केही सदस्यको जिम्मेवारी हेरफर हुने र केहीले बिदा लिनुपर्ने अवस्था आउने ओलीले बताए। पार्टीमा सबैलाई पालो पु(याउन मन्त्रिपरिषद् हेरफेर गर्नुपरेको उनको भनाई छ । प्रधानमन्त्री ओलीले मन्त्रीहरुलाई बुधबार कुनै पनि सार्वजनिक कार्यक्रम नराख्न र कतै नजान आग्रह गरेका हुन । आज नै मन्त्रिपरिषद् पुनर्गठन र शपथ गराउने योजना बनाएको स्रोतको दाबी छ।