- २३ श्रावण २०८३, शनिबार / Aug 8, 2026
४ भदौ २०७७ काठमाडौं । कोरोना संक्रमितको संख्या बढ्दै गएपछि सरकारले एक हप्तासम्म काठमाडौं उपत्यकामा निषेधाज्ञा जारी गरेको छ ।
आदेशको कडाई पूर्वक कार्यान्वयन गराउन ठूलो संख्यामा सुरक्षाकर्मी सडक, गल्ली, चोक चोकमा परिचालन गरिएको छ । उक्त आदेशको उलंघन गर्नेलाई चेतावनी सहित उपत्यकाका तीनवटै जिल्ला प्रशासन कार्यालयले कारबाही प्रक्रिया पनि थालेका छन् । प्रहरीले पनि कडाईपूर्वक नियमको पालना गरेको छ ।
निषेधाज्ञा उल्लंघन गर्नेहरुलाई प्रहरीले होल्डिङ सेन्टरमा उभ्याएर छाड्ने गरेको छ । जथाभाबी हिँडडुल गर्ने र पासविना सवारी साधन चलाउनेहरुलाई लामो समय होल्डिङ सेन्टरमा उभ्याउने गरेको हो । अत्यावश्यकबाहेक घरबाहिर ननिस्किन आदेश जारी गरेपछि पसल पनि बिहान सात बजेसम्म मात्रै खोल्ने र बन्द गर्ने गरिएको छ । भीडभाड अधिक हुने उपत्यकाका काठमाडौं, ललितपुर र भक्तपुरका सडकहरु अहिले सुनसान छन् ।
