एकै गाउँका दुई किशोर-किशोरीको शव झुण्डिएको अवस्थामा फेला

एकै गाउँका दुई किशोर-किशोरीको शव झुण्डिएको अवस्थामा फेला परेको छ। महोत्तरीको मनरासिस्वा नगरपालिका- ६ सरपल्लो गाउँका किशोर-किशोरीको शव झुण्डिएको अवस्थामा फेला परेको हो।
मंगलबार एकै दिन १६ वर्षीय सुनिल महतो र २० वर्षीया खुश्बु खातुनको शव झुण्डिएको अवस्थामा फेला परेको जिल्ला प्रहरी कार्यालय महोत्तरीका प्रहरी नायब उपरीक्षक प्रकाश विष्टले बताएका हुन्।
नायब उपरीक्षक विष्टका अनुसार सुनिलको शव आफ्नै घरमा झुण्डिएको अवस्थामा फेला परेको र खुश्बुको शव भने उनको घर नजिकै रहेका आँपको बगैँचामा झुण्डिएको अवस्थामा फेला परेको हो। स्थानीयहरुले उनीहरु दुबैजनाले आत्महत्या गरेको आशंका गरेका छन्।

उनीहरुले के कति कारणले एकै समयमा आत्महत्या गरे त्यो खुलेको छैन। घटनाको विषयमा थप अनुसन्धान भइरहेको प्रहरी उपरीक्षक विष्टले बताए। दुवै जनाको शव परीक्षणका लागि जिल्ला अस्पताल जलेश्वर पठाइएको छ।