एकै परिवारका ३ जना मृत फेला

भक्तपुर । भक्तपुरको मध्यपुर थिमि नगरपालिका वडा –९ निकोसेरामा एकै परिवारका ३ जना मृत फेला परेका छन् ।
शुक्रबार एकै परिवारका तीन जना मृत फेला परेका हुन ।

मृत फेला पर्नेमा ३६ वर्षीय सुदिप अधिकारी, उनकी श्रीमती ३४ वर्षीया सम्झना अधिकारी र १५ वर्षीय छोरा सुशान्त अधिकारी रहेको महानगरीय प्रहरी वृत्त प्रमुख डीएसपी ऋषिराम कँडेलले जानकारी दिए ।

डिएसपी कँडेलले भने ‘हामी घटनास्थलमै छौं, अहिले कारण के हो खुल्न सकेको छैन’, उनले भने, ‘हामी अनुसन्धान गर्दैछौं ।’
उनीहरुको शव शुक्रबार साँझ घरमै फेला परेको डीएसपी कँडेलले बताए ।