- ८ बैशाख २०८३, मंगलवार / Apr 21, 2026
काठमाडौं । आइतबार सञ्चारमाध्यमका सम्पादकहरुसंगको छलफलका क्रममा नेकपा एकीकृत समाजवादीका अध्यक्ष माधवकुमार नेपालले प्रधानमन्त्री शेरबहादुर देउवाले राष्ट्रहित विपरीतका कुनै पनि सहमतिमा हस्ताक्षर नगर्ने विश्वास व्यक्त गरेका छन् ।
अध्यक्ष नेपालले प्रधानमन्त्री देउवाले आफूहरुसँगको छलफलमा राष्ट्र हित विपरीतका सहमतिमा हस्ताक्षर नगर्ने बताएको र नेपालको हितमाथि आघात पुग्ने कुनै पनि कागजमा, सम्झौतामा मबाट सही हुने छैन भनेर प्रतिबद्धता व्यक्त गरेको बताए । त्यस्तै संसदमा गृहमन्त्री बालकृष्ण खाँणले बोलिसकेपछि हामीले धेरै शंका गरिरहनुपर्ने आवश्यकता नभएको समेत बताए ।
पछिल्लो क्रममा नेपालको राजनीति वृत्तमा अमेरिकी सेनाको स्टेट पार्टनरसिप प्रोग्राम (एसपीपी) स्वीकारको विषयलाई लिएर विवाद चलिरहेको छ । उक्त एसपीपी फिर्ता लिने वा नलिने विषयमा सत्तारुढ गठबन्धनमा विस्तृतमा छलफल भइ नसको समेत बताए । नेपाली सेनाले एसपीपीमा सहभागिताको विषयमा अमेरिकी दूवातासलाई लेखेको पत्र ठीक थियो कि थिएन भन्ने विषयमा छलफल गर्नुपर्ने अध्यक्ष नेपालले तर्क गरे ।
