काठमाडौंदेखि चीनको छिन्ताओमा उडान सुरु

काठमाडौं । काठमाडौंदेखि चीनको पर्यटकीय सहर छिन्ताओमा हिमालय एयरलाइन्सले हवाई उडान सुरु गरेको छ ।

छिन्ताओमा सिधा उडानको त्रिभुवन अन्तर्राष्ट्रिय विमानस्थलमा संस्कृति, पर्यटन तथा नागरिक उड्डयनमन्त्री सुदन किराँती, नेपालका लागि चिनियाँ राजदूत छेन सोङ लगाएतले शुभारम्भ गरेका हुन ।

साताको चार उडान गर्ने र यात्रुको चाप अनुरुप आगामी दिनमा उडान थप्ने योजना रहेको कम्पनीले जनाएको छ । हिमालय एयरलाइन्सले अहिले चीनको बेइजिङ, चोङचिङ, चाङ्सा, नानिङ र गोयाङमा उडान गर्दै आएको छ ।