- २२ असार २०८३, सोमबार / Jul 6, 2026
चाँगुनारायण । भक्तपुरको चाँगुनारायण १ दुवाकोटस्थित सशस्त्र प्रहरी बल नम्बर २२ गणलाई एभोकाडो लगायतका विरुवा उपलब्ध गराएको छ । एभोकाडो सिटी अभियानले गणपति दिनेश महतलाई विरुवा उपलब्ध गराएको हो ।
एभोकाडो लगायतका बिरुवा सशस्त्र प्रहरी बल नम्बर २२ गणलाई हस्तान्तरण गरेको अभियानका संयोजक नरेश खड्काको नेतृत्वमा अभियन्ताहरुले सशस्त्र प्रहरी उपरीक्षक दिनेश महतलाई विरुवा हस्तान्तरण गरेका हुन ।
नगरको पर्यावरण र सुन्दरताको लागि मात्र नभई नगरबासीको स्वास्थ्य र आय आर्जन बढाउँन एभोकाड़ो उपयुक्त विरुवा भएको खड्काको भनाइ छ ।
उक्त अवसरमा अभियन्ताहरुले सशस्त्र प्रहरी बल नम्बर २२ गणले सामाजिक अभियानमा देखाएको सहभागिता र सक्रियताको खुलेर प्रशंसा गरेका थिए ।
