ग्यास सिलिन्डर पड्किएर आगलागी

नुवाकोट । नुवाकोटस्थित बेलकोटगढी नगरपालिका–८ पाँचखलमा ग्यासको सिलिण्डर पड्किएर आगलागी भएको छ।

आगलागीबाट विश्वनाथ पुडासैनीको घरमा हुँदा साढे तीन लाख रुपैयाँ बराबरको क्षति भएको छ।

आगलागीमा परी अन्नपात, भाँडाकुँडा, लत्ताकपडा जलेको तर कुनै मानवीय क्षति नभएको जिल्ला प्रहरी कार्यालयका सूचना अधिकारी एवं डीएसपी खगेन्द्र खड्काले बताए ।

ढुंगा, माटोले बनेको र जस्ताले छाएको घर आगलागीमा परेर पूर्णरुपमा जलेको छ ।

बिदुर नगरपालिकाको दमकल र स्थानीयको सहयोगमा आगो नियन्त्रणमा लिएको थियो।