दिल्लीका मुख्यमन्त्री केजरीवालसँग साढे ९ घन्टा

दिल्ली । मुख्यमन्त्री अरविन्द केजरीवाललाई सिबिआईले आइतबार बयान लिएको छ । मदिरा घोटाला मामिलामा सिबिआईले साढे ९ घन्टासम्म सोधपुछ गरेको हो ।

सञ्चारमाध्यमहरूसँग कुरा गर्दै केजरीवालले सिबिआईले आफूलाई पूरा सम्मानका साथ प्रश्नहरू सोधेका बताए । मदिरा नीतिका बारेमा ५६ वटा प्रश्न सोधेको थियो ।उनले आफूलाई सिबिआईले फेरि बोलाउँछ कि बोलाउँदैन भन्नेबारे थाहा नभएको सुनाए ।

गत फागुनमा दिल्लीका उपमुख्यमन्त्री मनीष सिसोदियालाई प्रहरीले भ्रष्टाचार आरोपमा पक्राउ गरेको थियो ।

सन् २०२१ र २०२२ का लागि दिल्लीमा लागू भएको ‘एक्साइज’नीति बनाउँदा र कार्यान्वयन गर्दा भएको भ्रष्टाचार सिसोदियाको संलग्नता रहेको भन्दै सिबिआईले सिसोदियालाई पक्राउ गरेको हो।