- २० श्रावण २०८३, बुधबार / Aug 5, 2026
काठमाडौं । केहि लाई मन्त्री पदबाट हटाउदै ओली सरकारले बुधबार राति मन्त्रिमण्डल पुनर्गठन गरेको छ । नवनियुक्त मन्त्रीहरुको बिहीबार बिहान सपथग्रहणको कार्यक्रम तय भएको छ । प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संविधानको धारा ७६ को उपधारा ९ बमोजिम मन्त्रीहरुको नियुक्ति र जिम्मेवारी हेरफेर गरी मन्त्रिमण्डल पुनर्गठन गरेकी हुन् ।
६ जना नयाँ अनुहार नयाँ मन्त्रीमण्डलमा अटाएका छन् । ती अनुहार हृदयश त्रिपाठी, धनश्याम भुसाल, लेखराज भट्ट, रामेश्वर राय यादव, पार्वत गुरुङ र बसन्तकुमार नेम्वाङ नयाँ मन्त्रीको रुपमा नियुक्त भएका छन् । यस्तै तीन जना मोतिलाल दुगड, नवराज रावत र रामवीर मानन्धर राज्यमन्त्री बनेका छन् ।
त्रिपाठी संघीय मामिला तथा सामान्य प्रशासन मन्त्री बनेका छन् । यसअघि मन्त्री रहेका लालबाबु पण्डितलाई हटाइएको छ । यस्तै भुसाल चक्रपाणि खनाललाई विस्थापित गर्दै कृषि तथा पशुपक्षी मन्त्री बन्न सफल भएका छन् । यसैगरी मातृका यादवको ठाँउमा लेखराज भट्टलाई उद्योग तथा बाणिज्य मन्त्री बन्न सफल भएका छन् । रामेश्वर राय यादव श्रम, रोजगार तथा सामाजिक सुरक्षा मन्त्री बन्न सफल भए उनी गोकर्ण विष्टको ठाँउमा समेटिए ।
यसैगरी भौतिक पूर्वाधार तथा यातायात मन्त्रीमा रघुवीर महासेठ हटाएर बसन्तकुमार नेम्वाङ समेटिएका छन् । यस्तै महिला बालबालिका मन्त्री थपमाया थापालाई हटाएर पार्वत गुरुङ समेटिएका छन् । यस्तै उपेन्द्र यादवलाई उपप्रधानमन्त्रीसहित कानुनमन्त्रीको जिम्मेवारी दिइएको छ । यस्तै उपेन्द्रले सम्हाल्दै आएको मन्त्रालयको जिम्मेवारी भानुभक्त ढकाललाई दिइएको छ।
सूची
