- १६ जेष्ठ २०८३, शनिबार / May 30, 2026
बैतडी । पाटन नगरपालिका कार्यालयका कागजपत्र अख्तियार दुरुपयोग अनुसन्धान आयोग कञ्चनपुरको टोलीले नियन्त्रणमा लिएको छ ।
कोरोना कहरमा चरम अनियमितता गरेको उजुरी परेपछि सोमबार कागजपत्रहरु नियन्त्रणमा लिएको अख्तियार दुरुपयोग अनुसन्धान आयोग कञ्चनपुरले जनाएको छ । कोरोना नियन्त्रणको नाममा अनियमितता गरेको फोन कल बारमबार आएको र लिखित उजुरी नै आएपछि कागजपत्रहरु नियन्त्रणमा लिएको हाे ।
कोरोना रोकथाम तथा नियन्त्रणमा मात्रै एक करोड ७३ लाख खर्च भएको नगरपालिकाले सार्वजनिक गरेको छ । छानबिन समितिले असोज ९ गते ५३ लाख १५ हजार ७२१ अनियमितता गरेको प्रतिवेदन बाहिर ल्याएको थियो । कर्मचारीदेखि जनप्रतिनिधिहरुले अनियमितता गरेको ठहर समितिले प्रतिवेदनमा समेटेको अख्तियारका सूचना अधिकारी हरीशचन्द्र जोशीले बताए। अनियमिता गरेको रकम असुलउपर गर्न नगरपालिकालाई आग्रह गरिएकाे उनकाे भनाइ छ।
