- ३१ जेष्ठ २०८३, आईतवार / Jun 14, 2026
काठमाडौं । नेकपा माओवादी पार्टी भित्र अहिले नै अध्यक्ष प्रचण्डको विकल्प खोज्ने बेला नआएको नेता झक्कुप्रसाद सुवेदीले बताएका छन् । पार्टी र देश दुवैको नेतृत्व गर्न प्रचण्डको नेतृत्व आवश्यक रहेको सुनाए ।
आफु दुई दशकदेखि केन्द्रीय सदस्यमा नै रहेको भन्दै प्रचड अध्यक्ष भएको २१ वर्ष भएको जानकारी दिए । अब पार्टीको मात्रै होइन देशको नेतृत्व नै प्रचण्ड हुने बताए । अध्यक्ष प्रचण्डलाई टक्कर दिने नेता माओवादीमा कोही नभएको उनको भनाइ छ ।
बिहीबार रिपोर्टर्स क्लब नेपालले आयोजना गरेको विशेष साक्षात्कारमा बोल्दै सुवेदीले पुस भित्रै पार्टी राष्ट्रिय सम्मेलनको तयारीमा अघि बढिसकेको र अहिले नेता कार्यकर्ता त्यसैमा केन्द्रित भएको बताए।
उनले भने, ‘पार्टीको यही मंसिर ४ गते एकै दिन वडा सम्मेलन सफलतापूर्वक सम्पन्न भयो । अब मंसिर ११ गते पालिकाको सम्मेलन हुँदैछ । संगठन, सम्पर्क मञ्चको पनि एकैदिन सम्मेलन हुन्छ, पुष ११, १२ र १३ गते हामी राष्ट्रिय सम्मेलन गर्दै छौं । पार्टीले तल्लो तहदेखि प्रचार प्रसारलाई तीब्र पारिएको बताए ।
फरक प्रसंगमा बोल्दै उनले कांग्रेसको महाधिवेशनको बढि चर्चा हुनुको कारण शेरबहादुर देउवा र रामचन्द्र पौडेलबीचको किचलो भएको बताए । समाजको बनोटअनुसार पार्टी बनाउनुपर्ने उनको तर्क छ ।
वडादेखि केन्द्रसम्म त्यहीअनुसार नेतृत्व हुनुपर्ने भन्दै ३५ प्रतिशत महिला, २० प्रतिशत युवा र १५ प्रतिशत दलित सुनिश्चित हुनु पर्ने बताए । एमालेको १०औं महाधिवेशनलक्षित कुरा गर्दै एमालेमा विचारको भन्दा पनि नेतृत्वको हानाथाप भएको आरोप लगाए । एमालेमा फेरी पनि अध्यक्ष ओली नै हुने दावी गरे ।
