- ११ बैशाख २०८३, शुक्रबार / Apr 24, 2026
काठमाडौं । नेकपा एमाले र नेकपा माओवादीबीच सरकार बनाउन सहमति जुटेसंगै सरकार निर्माणमा दावी गर्न नेकपा एमाले, नेकपा माओवादी केन्द्रसहितका दलका नेताहरु राष्ट्रपति कार्यालय शीतल निवास पुगेका छन् । माओवादी केन्द्रका अध्यक्ष एवं संसदीय दलका नेता पुष्पकमल दाहाल प्रचण्डलाई प्रधानमन्त्री बनाउनुपर्ने प्रस्ताव सहित प्रतिनिधिसभाका बहुमत सदस्यहरु शीतल निवास पुुगेका हुन् ।
त्यस्तै राष्ट्रपति कार्यालयका प्रेस विज्ञ टीका ढकालले माओवादी केन्द्र, एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, नागरिक उन्मुक्ति पार्टी, जनमत पार्टीका सांसदहरुको हस्ताक्षर सहितको प्रस्ताव पत्र आईपुुगेको जानकारी दिए । माओवादी अध्यक्ष प्रचण्डसहितका नेताहरु आउने क्रम शुरु भएको र पत्र हेरेपछि राष्ट्रपतिज्यूले केही न केही निर्णय गर्नुहुने उनको भनाई छ ।
