सोलुखुम्बुबाट दैनिक ३ सय भन्दा बढी पर्यटकहरु फर्किन थाले

सोलुखुम्बु । लुक्ला विमानस्थलबाट दैनिक ३ सय भन्दा बढी पर्यटकहरु फर्किन थालेका छन् । सोलुखुम्बुको तेन्जिङ हिल्लारी विमानस्थल बाट फर्किने यात्रुको चाप बढेको हो । लुक्लामा अहिले दैनिक ३० वटाभन्दा बढी उडान हुँदै आएको छ । हेलिकप्टरहरुबाट पनि उडान भरिरहेका छन् ।

खुम्बुमा पर्यटकीय सिजन सकिएसँगै विमानमार्फत काठमाण्डौ फर्किने विदेशी पर्यटकको चाप बढेको जनाइएको छ । आजभोलि लुक्ला भित्रिने यात्रुको सङ्ख्या न्यून रहेको छ । काठमाण्डौबाट लुक्ला आउने प्रायजसो जहाजहरु खाली नै हुने गरेका छन् ।