बाढीका कारण मलेसियामा १४ जनाको ज्यान मृत्यु

काठमाण्डौ । बाढीका कारण मलेसियामा कम्तीमा १४ जनाको ज्यान गएको छ । बाढीका कारण ७० हजारभन्दा धेरै नागरिक विस्थापित भएको जनाइएको छ । बाढीबाट मलेसियाको पूर्वी तटीय प्रान्त पाहाङ सबैभन्दा बढी प्रभावित भएको खबर छ ।

त्यसबाहेक अरु सात वटा प्रान्त बाढीबाट बढी प्रभावित भएका समाचार संस्था एएफपीले जनाएको छ । उद्धारकर्ता तथा सरकारी निकायले विस्थापितलाई राहत तथा पुनर्स्थापनका लागि सहयोग वितरण गरिरहेका छन् । बाढीका कारण सडक, विद्युत, सञ्चारलगायतका अत्यावश्यक सेवा प्रभावित भएका छन् । केही दिनदेखि निरन्तर वर्षाका कारण आएको बाढीले जनधनको क्षति गरेको छ ।