- १० कार्तिक २०८३, मंगलवार / Oct 27, 2026
काठमाडौं । देशभरीका ६ सय ८३ पालिकाको मत परिणाम सार्वजनिक भएको छ । सार्वजनिक भएको मत परिणाम अनुसार नेपाली कांग्रेस अगाडि रहेको छ । पहिलोमा काँग्रेसले ३ सय ४ पालिका मेयर जितेको छ भने कांग्रेसले २ सय ७९ पालिकाको उपमेयर जितेको छ ।
दोस्रोमा नेकपा एमालेले १ सय ८६ पालिका मेयर जितेको छ भने एमालेले २ सय १२ उपमेयर जितेको छ। तेस्रो स्थान नेकपा माओवादी केन्द्र ओगटेको छ । नेकपा माओवादी केन्द्रले १ सय १६ पालिका मेयरमा जितेको छ भने १ सय २० पालिकामा उपमेयर जितेको छ।
स्थानीय तह निर्वाचनमा स्वतन्त्र उम्मेदवारले २७ पालिका मेयर तथा १७ उपमेयर जितेका छन्। नेकपा माओवादी केन्द्र ७, जसपा ११, एकीकृत समाजवादी २, लोसपा ६ र अन्यले ५ पालिकामा अग्रता लिइरहेका छन्।
जनता समाजवादी पार्टी (जसपा) ले २३ पालिका मेयर जितेको छ भने उस्ले २३ उपमेयर जितेको छ। नेकपा एकीकृत समाजवादीले १७ पालिका मेयर र २१ उपमेयर जितेको छ।
लोकतान्त्रिक समाजवादी पार्टीले १० पालिका मेयर र ९ उपमेयर जितेको मत परिणाम सार्वजनिक भएको छ। मतगणना भइरहेको पालिकामध्ये नेपाली कांग्रेस १९ , नेकपा एमाले १७ ठाउँमा अगाडि रहेको छ।
