- १३ असार २०८३, शनिबार / Jun 27, 2026
काठमाडौं । आफूले घोराही उपमहानगरपालिकाको मेयर नपाउने निश्चित भएपछि माओवादी केन्द्र दाङका इन्चार्ज जीवन गौतमले पार्टीबाट राजीनामा दिएका छन् ।
केन्द्रीय सदस्य समेत रहेका गौतमले सोमबार घोराहीमा पत्रकार सम्मेलन गरी पार्टीको साधारण सदस्यसमेत नरहने गरी राजीनामा दिएको बताए ।
गौतम २०७४ सालको स्थानीय तहको निर्वाचनमा माओवादी केन्द्रको तर्फबाट मेयरको उम्मेदवार बनेका थिए । त्यतिबेला नराम्ररी हार व्यहोरेका उनले यसपटक अर्कैले मेयर पद हात पार्ने देखिएपछि राजीनामा दिन पुगे ।
नारायणकाजी निकट मानियका गौतम मेयरपदमा उम्मेदवारी दावी गरिरहेका थिए ।
