म कारबाही भोग्न तयार छु : प्रचण्ड

काठमाडौँ । कार्यकारी भूमिका पाएका नेकपा अध्यक्ष पुष्पकमल दाहाल प्रचण्डले द्वन्द्व र शान्ति प्रक्रियाका दौरान भएका कामको जिम्मा लिने बताउँदै दोषी ठहर भए सजाय भोग्न तयार रहेको बताएका छन् । शान्ति प्रक्रियाको तेह्रौं वर्ष लागेको अवसरमा बिहीबार आयोजित द्वन्द्वपीडितसँगको अन्तरसंवादमा दाहालले यस्तो बताएका हुन ।

माओवादी पार्टी नै समाप्त भैसकेको अवस्थामा म अहिले पनि जीवित छु र शान्ति सम्झौतामा हस्ताक्षरकर्ता पनि हुँ, भन्दै प्रचण्डले जनयुद्ध र शान्ति प्रक्रियाका क्रममा भएका राम्रा–नराम्रा कामको जिम्मा म लिने बताए । त्यहि क्रममा दोषी ठहर भएँ भने आफु कारबाही भोग्न तयार रहेको बताए ।