- १० आश्विन २०८३, शनिबार / Sep 26, 2026
काठमाडौं । राप्रपाले उपत्यकामा सचेतना कार्यक्रम सम्पन्न गरेको छ । काठमाडौं क्षेत्र ९ प्रदेशसभा (ख)ले हालै एक कार्यक्रमको आयोजनागरी सक्रिय सदस्य सचेतना कार्यक्रम सम्पन्न गरेको हो ।
आउने मंसिर ४ गते हुने प्रदेश र संघको निर्वाचनमा कार्यकर्ताले विशेष भूमिका खेल्नु पर्ने भन्दै चुनाव विशेष छलफल गरेको नेतृ सरिता उप्रेतिले बताइन् ।
बागमती प्रदेश छेत्र ९ ख राप्रपाले जिम्मेवारीपूर्वक छलफल गरेर नेतृत्व चैन गरिने उनले जानकारी दिइन् । यसैबीच काठमाडौं क्षेत्र नं ९ प्रदेश (ख) मा राष्ट्रिय प्रजातन्त्र पार्टीकाे तर्फबाट दिलिप कुमार कार्कीले उम्मेदवारी घोषणा गरेका छन् ।
शनिवार आयोजित कार्यक्रममा उनले घोषणा गरेका हुन । यस क्षेत्रका अध्यक्ष समेत रहेका उनले पार्टीमा लामो समय सक्रिय भूमिका खेलिरहेको स्थानीयले बताएका छन् । युवा नेताका रुपमा परिचित कार्की हक्की स्वभाव र प्रष्ट वक्ताका रुपमा स्थानीयले बुझ्ने गरेका छन् ।
अहिले युवाको लहर राप्रपामा चलिरहेको र युवा राजनीति पनि राप्रपामै भएकाले सबैको रोजाइमा परेको बुझिएको छ । पार्टीको नीति, मूल्य, मान्यता र एजेण्डालाई स्थापित गर्न आफुले कुनै कसुर बाँकी नराख्ने कार्कीले कैलाश खबरलाई बताए । पार्टीमा युवा वर्गलाई समेटेर युवा अभियानमा लाग्ने कार्कीको योजना रहेको बताए ।
