- २८ भाद्र २०८३, आईतवार / Sep 13, 2026
वासिङटन । अमेरिकामा राष्ट्रपति डोनल्ड ट्रम्पका हिंसक समर्थकले क्यापिटल बिल्डिङमा पसेर आक्रमण गरेका छन् ।
अमेरिकी कङ्ग्रेसमा सांसदहरूले जो बाइडनको जितको पुष्टि गर्न छलफल गरिरहेका बेला उनीहरुले संसद्भित्रै पसेर आक्रमण गरेका हुन् । अचानक ट्रम्प समर्थकहरू क्यापिटल बिल्डिङभित्र प्रवेश गरे र चुनावी परिणाम रद्द गर्न माग गर्दै प्रदर्शन गरे ।
उक्त प्रदर्शनमा गोली चलाए, गोली लागेर एक जनाको मृत्यु भएको छ । मृतक महिला भएको प्रहरीले बताएको छ । अवस्था नियन्त्रण बाहिर गएपछि न्याशनल गार्डलाई क्यापिटल हिल पठाइएको ह्वाइट हाउसकी प्रेस सेक्रेटरीले त्यसको जानकारी दिएकी हुन्।
