सयौं घर जलेर नष्ट

काठमाडौं । अमेरिकाको कोलोराडो क्षेत्रमा लागेको डढेलोमा परी ३ जनाको मृत्यु भएको जनाइएको छ । कोलोराडो राज्यका धेरै शहरहरुमा डडेलो फैलिएपछी सयौं घर जलेर नष्ट भएका छन् । दुई दिन अघि शुरु भएको डढेलो बोल्डर काउन्टीस्थित जंगलबाट शुरु भएपछी हजारौं नागरिकहरु घर छोडेर भागेका थिए ।

डढेलोका बीच हराएका ३ जना जिवितै रहने सम्भावना भने कम रहेको बताइएको छ । डढेलो प्रभावितहरुलाई सुरक्षित स्थानमा सारिएको छ । डढेलोका कारण हजारौं हेक्टर जंगल नष्ट भएको छ । डढेलो नियन्त्रणमा लागि दर्जनौ दमकल र हेलिकप्टर प्रयोग गर्दा समेत डढेलो नियन्त्रणमा लिन नसक्दा शहरहरुमा फैलिएको हो ।