सरकारले गौतमलाई राष्ट्रिय सभा सदस्यका लागि सिफारिस गरेरै छोड्यो

काठमाडौं ।  अन्तत नेकपा उपाध्यक्ष वामदेव गौतम राष्ट्रिय सभा सदस्यका लागि सिफारिस भएका छन् ।  सरकारले गौतमलाई राष्ट्रिय सभा सदस्यका लागि राष्ट्रपतिसमक्ष सिफारिस गरेको हो ।

बालुवाटारमा सोमबार बसेको मन्त्रिपरिषद् बैठकले राष्ट्रिय सभा सदस्यका लागि गौतमलाई सिफारिस गरेको स्रोतले जनाएको छ । राष्ट्रपतिले गौतमलाई राष्ट्रिय सभा सदस्यमा मनोनीत गर्ने प्रवाधान रहेको छ । यसअघि गौतमलाई गत फागुन १४ गते राष्ट्रियसभामा पठाउने नेकपा सचिवालय बैठकले समेत निर्णय गरेको थियो ।