- ८ बैशाख २०८३, मंगलवार / Apr 21, 2026
घोराही । दाङको तुलसीपुर उपमहानगरपालिका –५ निवासी २५ वर्षीया युवतीमाथि असार २ गते राति सामूहिक बलात्कार भएको छ ।
सुस्त मनस्थिति भएकी ती युवतीमाथि तुलसीपुर उपमहानगरपालिका –९ दोघरेस्थित एक निर्माणाधिन घरमा रातको समयमा चार जनाले सामूहिक बलात्कार गरेको जिल्ला प्रहरी कार्यालय दाङका प्रहरी प्रमुख एसपी सुरेशप्रसाद काफ्लेले जानकारी दिए ।
तुलसीपुर उपमहानगरपालिका –९ दोघरे निवासी २४ वर्षीय शंकर बिक र २३ वर्षीय कमल चौधरी पक्राउ परेको र घटनामा संलग्न अन्य दुई जना फरार रहेका छन् ।
सुस्त मनस्थितिका युवतीमाथि सामूहिक बलात्कारमा संलग्न सबैबिरुद्ध सामूहिक बलात्कार अभियोगमा मुद्दा चलाएर कानुनी कारबाहीको प्रक्रिया अघि बढाउने तयार गरेको जिल्ला प्रहरी कार्यालय दाङले जनाएको छ ।
