- १८ श्रावण २०८३, सोमबार / Aug 3, 2026
भक्तपुर । भक्तपुरको सूर्यविनायक नगरपालिकाको वडा नं ८ मा एमालेका युवा नेता पुस्पराज बस्नेत विजयी भएका छन् । बुधबार सूर्यविनायक नगरपालिकाका सबै वडाहरु भन्दा अत्यधिक मत ल्याए बस्नेत विजयी भएका हुन । बस्नेतले दुई हजार एक सय २२ मत प्राप्त गरी विजयी हाँसिल गरेका हुन भने उनका निकटतम प्तिद्वन्दी नेपाली काँग्रेसका बिदुरमान सिंह बस्नेतले नौ सय ९१ मत प्राप्त गरेका थिए ।
सूर्यविनायक नगरपालिकाको वडा नं ८ सिपाडोलमा एमालेको प्यानल नै विजयी भएको छ । सूर्यविनायक नगरपालिका वडा नं ८ मा वडा अध्यक्षमा निर्वाचित भएपछि नवनिर्वाचित वडा अध्यक्ष बस्नेतले अग्रजहरुको मार्गदर्शनलाई पछाएर अगाडि बढ्ने बताउदै पूर्व अध्यक्ष किरण थापाको सुझावलाई आत्मसात गर्दै कार्य सम्पादन गर्ने जानकारी दिए । अध्यक्ष बस्नेतले राजनीतिमा प्रतिस्पर्धा र विकासमा एकता भन्ने मूल नाराका साथ अधि बढ्ने बताउदै रोजगारी रिर्जना गर्ने गरी कार्य सम्पादन गर्ने जानकारी दिए ।
पूर्व अध्यक्ष किरण थापाले जनताको माया र ममताले अत्यधिक मतले विजय गराएको बताउदै आफूहरुको कार्यसम्पादनका कारण पहिले भन्दा ५ सय बढि मत दिएर जिताएको जानकारी दिए । उनले नेकपा एमालेलाई सबै भन्दा बढि मत आफ्नै वडाले दिएको बताए । पूर्व अध्यक्ष थापाले यही वडाको अत्यधिक मतले नगरका नगरप्रमुख,उपप्रमुखले पनि यही वडाको मतले विजयी हुने जानकारी दिए । एमालेबाट दलित महिलातर्फबाट अन्जना नेपाली, महिलातर्फ सावित्री मिश्र, खुल्लातर्फ विश्वराम त्वानाबासु र विक्रम तामाङ विजयी हुनुभएको छन् । ( भिडियो सहित )
