गठ्ठाघरमा ट्रकको ठक्करबाट स्कुटरमा सवार एक महिलाको मृत्यु

काठमाडौं । भक्तपुरको गठ्ठाघरमा ट्रकको ठक्करबाट एक महिलाको मृत्यु भएको छ । ट्राफिक प्रहरीले चेकिङ गरिरहेका बेला रोकिराखेको बा ४९ प ८९४४ नम्बरको स्कुटरलाई ना ६ ख २१७३ नम्बरको ट्रकले ठक्कर दिएको थियो । स्कुटरमा सवार महिलाको घटनास्थलमै मृत्यु भएको जिल्ला प्रहरी परिसर भक्तपुरका प्रमुख वेद विष्टले जानकारी दिएका छन् ।

उनका अनुसार ती महिलाको सनाखत नभएको बताए । दुर्घटनापछि आक्रोशित मानिसहरुको भिड जम्मा भएको छ र उनीहरुले विरोध प्रदर्शन गरिरहेका छन् । प्रहरी र प्रदर्शनकारीबीच ढुंगा हानाहान समेत भएको  साथै  सवारी आवागमन प्रभावित भएको छ । अहिले गठ्ठाघर तनावग्रस्त अवस्थामा  छ ।