- ३० असार २०८३, मंगलवार / Jul 14, 2026
काठमाण्डौ, ११ बैशाख । कृत्रिम बुद्धिमत्ता (एआई) क्षेत्रमा बढ्दो खर्चका कारण Meta Platforms ले झन्डै ८ हजार कर्मचारी कटौती गर्ने योजना बनाएको छ।
एआई परियोजनाहरूमा ठूलो लगानी गरिरहेका कारण कम्पनीले आगामी महिना हजारौँ रोजगारी कटौती गर्ने तयारी गरेको अन्तर्राष्ट्रिय सञ्चार माध्यमहरूले जनाएका छन्।
कम्पनीले कर्मचारीहरूलाई पठाएको मेमोमा कुल कार्यबलको झन्डै १० प्रतिशत कटौती गर्ने उल्लेख गरिएको छ। यस निर्णयको मुख्य कारण एआई परियोजनामा भइरहेको तीव्र लगानी रहेको बताइएको छ।
Meta Platforms ले यस वर्ष एआई क्षेत्रमा झन्डै १ खर्ब ३५ अर्ब अमेरिकी डलर खर्च गर्ने तयारी गरेको छ। उक्त रकम अघिल्ला तीन वर्षको कुल खर्च बराबर रहेको बताइएको छ।
यसअघि कम्पनीका सह–संस्थापक तथा प्रमुख कार्यकारी अधिकृत Mark Zuckerberg ले एआई प्रविधिको विस्तारसँगै काम गर्ने तरिकामा व्यापक परिवर्तन आउने संकेत दिएका थिए।
Meta Platforms ले सन् २०२२ यता पटक–पटक कर्मचारी कटौती गर्दै आएको छ। पछिल्ला महिनाहरूमा कम्पनीले एआई मोडेल तथा उपकरण विकासमा विशेष ध्यान केन्द्रित गरेको बताइएको छ।
