बालिकालाई जबरजस्ती करणी गरेको आरोपमा एकजना पक्राउ

काठमाडौं । ताप्लेजुङमा बालिकालाई जबरजस्ती करणी गरेको आरोपमा एकजना पक्राउ परेका छन् । बालिकालाई विभिन्न प्रलोभन देखाई पटक–पटक करणी गरेको आरोपमा २७ वर्षीय वीरबहादुर विक पक्राउ परेका हुन् ।

जिल्ला प्रहरी कार्यालय ताप्लेजुङका सूचना अधिकारी एवम् प्रहरी निरीक्षक कमलकुमार लुङगेलीका अनुसार विक खाम्लुङको दोभान बजारबाट पक्राउ परेका हुन् । पीडित बालिकाको पक्षबाट प्रहरीमा दिएको जाहेरीको आधारमा आरोपित विकलाई पक्राउ गरिएको पनि प्रहरी निरीक्षक लुङगेलीले जानकारी दिए ।

जिल्ला प्रहरी कार्यालयमा दिएको जाहेरीअनुसार विकले पहिलो पटक गत वैशाख ५ गते, दोस्रो पटक वैशाख ८ तेस्रो पटक साउन २९ गते बालिकालाई जबरजस्ती करणी गरेका थिए ।