राहत सामग्री बोकेको गाडीमाथि आक्रमण, ७ जनाको मृत्यु

काठमाडौं । गाजाका युद्ध प्रभावितहरुलाई खाद्यान्न र पानी पुर्‍याएर सहयोग गर्दै आइरहेको संस्था वर्ल्ड सेन्ट्रल किचनका कर्मचारीहरुमाथि इजरायली सेनाले आक्रमण गर्दा सात जनाको मृत्यु भएको छ । आक्रमणपछि वर्ल्ड सेन्ट्रल किचनले सहायता बन्द भएको छ ।

इजरायलका प्रधानमन्त्री आफैंले यो घटनाको पुष्टि गर्दै सेनाबाट गल्ती भएको स्वीकार गरेका छन् । खानेकुरा लगायत अत्यावश्यक राहत सामग्री लगेर गइरहेकाहरुमाथि आक्रमण भएको र आफ्ना सात जना कर्मचारीहरु मारिएको वर्ल्ड सेन्ट्रल किचनले जनाएको छ ।

इजरायली सेनाले हवाई आक्रमण गरेको थियो । वर्ल्ड सेन्ट्रल किचनका कर्मचारीहरु तीनवटा गाडीमा थिए । ती तीनवटै गाडी हमलामा परेका थिए । घटनास्थलको फोटोमा एउटा गाडीको छतमा ठूलो भ्वाङ परेको देखिन्छ ।