- १७ जेष्ठ २०८३, आईतवार / May 31, 2026
अफ्रिका । बाढीका कारण सात जनाको मृत्यु र ११ जना बेपत्ता भएका छन् । बेपत्ताहरूको खोजी कार्यमा उद्धारकर्मीहरू मुसलधारे वर्षामा सङ्घर्ष गरिरहेका छन् ।
क्वाजुलु नटाल प्रान्तको लेडिस्मिथ जिल्लामा १० मिटर ३३ फिटसम्मको गहिरो हिलोले घरहरू क्षतिग्रस्त भएको र कारहरू बगाएको उद्धारकर्मीहरूले बताएका छन् । प्रान्तीय अधिकारीहरूले छ जनाको मृत्यु र १० जना बेपत्ता भएको पुष्टि गरेका छन् ।
दक्षिणमा मान्डेनीमा नदीमा आएको बाढीले तीन जनालाई बगाएको छ । आठ वर्षीय बालकको मृत्यु भएको पुष्टि भएको र अन्य एक जना हराएको आइपिएसएस उद्धार संस्थाले जनाएको छ ।
डर्बनदेखि दुई सय ३० किलोमिटर उत्तरपश्चिममा रहेको लेडिस्मिथमा वर्षाका कारण शवहरूको खोजीमा व्यवधान भएको छ । उक्त स्थानमा आइतबार मुसलधारे वर्षा भएको थियो ।
आइपिएसएसका टोली नेता टेरेजा भ्यान डेन बर्गले १० मिटर गहिरो स्थानमा धारले क्याराभान पार्कमा क्षति पुर्याएको र पुल पार गर्ने सवारी साधनलाई बगाएको जानकारी दिए। ‘कसैलाई केही हडप्ने मौका थिएन’, उनले भने । केही कार तीन किलोमिटर तल फेला परेका थिए ।
नौ यात्रु बोकेको एउटा मिनिबसमा तीन वटा शव फेला परेको छ । अन्य छ जना अहिले पनि बेपत्ता छन् । एउटा शव सम्पूर्णरूपमा क्षति भएको घरमा फेला परेको थियो भने घरभित्र रहेका अन्य दुई अझै बेपत्ता छन् ।
