चिनियाँ नागरिक चितवनको होटलमा आफू सुत्ने कोठाभित्र मृत फेला

चितवन । चितवनमा चिनियाँ नागरिक मृत फेला परेका छन् । चितवनको भरतपुरस्थित होटलमा चिनियाँ नागरिक मृत फेला परेका हुन । असार १० गतेदेखि होटलमा बसेर पियान छाङ्गसिनले बीपी कोइराला क्यान्सर अस्पतालमा उपचार गराउँदै आएका थिए ।

उनको बिहान ८ बजेर ५५ मिनेटमा होटलको आफू सुत्ने कोठाभित्र मृत फेला परेको प्रहरीले जनाएको छ । घटनाको सम्बन्धमा अनुसन्धान भइरहेको जिल्ला प्रहरी कार्यालय चितवनले जनाएको छ ।

बीपी कोइराला क्यान्सर अस्पताल अगाडिको बर्षना होटलमा बस्दै आएका ५६ वर्षीय पियान छाङ्गसिन बिहान मृत फेला परेका हुन् ।