- १९ कार्तिक २०८३, बिहीबार / Nov 5, 2026
काठमाडौं । कांग्रेस केन्द्रीय कार्यसमिति बैठक आजै सक्ने तयारी गरेको छ ।
बुधबारदेखि जारी बैठक आज अबेरसम्म भएपनि सक्ने तयारी गरेको कांग्रेस प्रचार विभाग प्रमुख मीन विश्वकर्माले बताए । अब २० जना केन्द्रीय सदस्यले बोल्न बाँकी रहेको र पदाधिकारीले धारणा राखेर सभापतिले जवाफ दिएपछि सकिने विश्वकर्माले बताए ।
बैठकमा प्रस्तुत भएका ११ वटा एजेण्डा माथि पार्टीका प्रदेश प्रमुख र केन्द्रीय समितिका सदस्यहरूले धारणा राखिरहेका छन् ।
त्यसपछि पदाधिकारीले आफ्नो धारणा राख्नेछन् । गत फागुनका सम्पन्न महासमितिले पारित गरेका प्रतिवेदनलाई पनि परिमार्जनसहित पारित गर्ने कांग्रेसको तयारी छ।
