भतिजाको कुटपिटबाट काकाको मृत्यु

सल्यान । सल्यानमा भतिजाको कुटपिटबाट काकाको मृत्यु भएको छ । शारदा नगरपालिका -६ बरला घर भएका ३१ वर्षका डनराज बिष्टले कुटपिट गर्दा गम्भीर घाइते भएका काका ४६ वर्षका घनश्याम बिष्टको मृत्यु भएको हो ।

जिल्ला प्रहरी कार्यालयका प्रमुख प्रहरी नायब उपरीक्षक नविन कार्कीका अनुसार डनराज बिष्टले काका घनश्याम बिष्टलाई जेठ ४ गते राति मदिरा सेवन गरी घर नजिकै कुटपिट गरेका थिए । गम्भीर घाइते भएका घनश्यामलाई आफन्तले तत्काल उपचारको लागि नेपालगन्ज मेडिकल कलेज लगेका थिए । डाक्टरले उपचार हुदैन लैजानुस् भनेपछि आफन्तले घर ल्याउँदा बाटैमा उनको मृत्यु भएको हो । प्रहरीले डनराजलाई पक्राउ गरेको डिएसपी कार्कीले जानकारी दिए ।