धनकुटामा रडले लागेर मजदुरको मृत्यु

काठमाडौं । धनकुटाको साँगुरी गढी गाउँपालिका ३ माफलामे रडले टाउकोमा लाग्दा मजदुरको मृत्यु भएको छ। रघुवा खोलाको निर्माणाधीन पुलमा काम गर्ने क्रममा रडले टाउकोमा लागेर पाँचथरको तुम्बेवा गाउँपालिका २ का ४० वर्षीय मदन मगरको ज्यान गएको प्रहरीले जनाएको छ।

मंगलबार अपराह्न पुलमा काम गर्ने क्रममा अचानक पुलबाट रड खसेर उनको टाउकोमा लागेको थियो। गम्भीर घाइते अवस्थामा उपचारका लागि धरानस्थित बीपी कोइराला स्वास्थ्य विज्ञान प्रतिष्ठान लगिएको थियो।
प्रतिष्ठानमै उपचारका क्रममा बुधबार मगरको मृत्यु भएको प्रहरीले जनाएको छ ।