- १३ बैशाख २०८३, आईतवार / Apr 26, 2026
काठमाडौँ, १३ बैशाख । काठमाडौँ महानगरपालिका वडा–९ अन्तर्गत बागमती नदी किनारामा रहेको गैह्रीगाउँको सुकुम्बासी बस्तीमा डोजर र स्काभेटर प्रयोग गरी घरटहरा भत्काउने काम शुरु गरिएको छ।
यसअघि सरकारले थापाथलीस्थित सुकुम्बासी बस्तीमा डोजर चलाएर टहरा हटाएको थियो। सोही अभियानअन्तर्गत प्रहरीसहितको टोली थापाथलीबाट गैह्रीगाउँ पुगेको हो। गैह्रीगाउँ क्षेत्रमा थापाथलीको तुलनामा ठूला तथा पक्की घरसहितको बस्ती रहेको बताइएको छ।
बस्ती हटाउने क्रममा काठमाडौँ महानगरपालिकाबाट २ वटा र सडक विभागबाट ४ वटा गरी जम्मा ६ वटा डोजर तथा स्काभेटर प्रयोग गरिएको छ। सरकारले बागमती नदी किनारामा रहेका अनधिकृत संरचना हटाउने अभियानलाई तीव्रता दिएको जनाएको छ।
