घूस लिएपछि उपरक्षामन्त्री पक्राउ

रूस । अनुसन्धानले भ्रष्टाचार गरेको आरोप लगाएको रूसी उपरक्षामन्त्रीलाई बुधबार हिरासतमा लिइएको छ । ठूलो रकम घूस लिएको आरोप नाभाल्नीको टोलीले लगाएको छ । अठ्चालीस वर्षीय इभानोभले सशस्त्र बलको निर्माण र खरीदको रेखदेख गरिरहेका थिए ।

उनलाई १५ वर्षको जेल सजाय हुन सक्ने बताइएको छ । इभानोभका वकिलले सरकारी समाचार संस्था तासलाई बताएअनुसार इभानोभले उक्त आरोप अस्वीकार गरेका छन् । केही स्वतन्त्र सञ्चार माध्यमले इभानोभ र उनको परिवारले आफूले मन्त्रालयमा सहमति गरेको सम्झौतामा गैर–कानुनी लाभ लिएर अकूत सम्पत्ति आर्जन गरेको आरोप लगाएका छन् ।