- २२ भाद्र २०८३, सोमबार / Sep 7, 2026
काठमाण्डौ । निर्यात बढाउन गर्नुपर्ने कार्यक्रमहरू भित्रि मनबाट नगरेको व्यवसायीहरुले आरोप लगाएका छन् । निर्यात व्यवसायीहरूले नेपाल हस्तकला महासङ्घले आयोजना गरेको कार्यक्रममा देशको व्यापार घाटा घटाउन राज्यले भित्रि मनबाट काम नगरेको आरोप लगाएका हुन ।
उनीहरुले पाँच वर्षमा १५ खर्ब रुपैयाँको बजेट छुट्याउन सरकारलाई सुझाव समेत दिएका छन् । देशभर झन्डै ११ लाख जनाले हस्तकला क्षेत्रमा व्यवसायी गर्दै आएका छन् ।
४२ विधामा १२ अर्ब रुपैयाँ बराबरको हस्तकलाका सामान ६० देशमा निर्यात भइरहे पनि सरकारले निर्यातलाई थप सहज बनाउन नसकेको उनीहरले बताए । निर्यात व्यवसायलाई थप सहज बनाउन आफूहरूले तीनै तहका सरकारमार्फत हस्तकला क्षेत्रका लागि नीति निर्माणको पहल गरिरहेको व्यवसायीहरुको भनाइ छ ।
