- २४ आश्विन २०८३, शनिबार / Oct 10, 2026
दाङ, २४ असाेज । जङ्गली च्याउ खाँदा दाङमा तीन वर्षीया बालिकाको मृत्यु भएको छ । गढवा गाउँपालिका–१ वनघुस्री निवासी लक्ष्मी माझीको उपचारका क्रममा मृत्यु भएको हो ।
जिल्ला प्रहरी कार्यालय दाङका प्रहरी नायब उपरीक्षक हेमबहादुर केसीका अनुसार जङ्गली च्याउ खाएपछि लक्ष्मीसहित उनकी आमा २६ वर्षीया सुमित्रा माझी बिरामी परेका थिए ।
बिरामी परेका दुवै जनालाई उपचारका लागि भालुवाङ अस्पताल लगिएको थियो । त्यहाँ सामान्य उपचारपछि थप उपचारका लागि बालिका लक्ष्मीलाई लमही अस्पताल ल्याइएको थियो ।
लमही अस्पतालमा उपचारकै क्रममा गएराति चिकित्सकले लक्ष्मीलाई मृत घोषणा गरेका प्रहरी नायब उपरीक्षक केसीले जानकारी दिनुभयो । बालिकाकी आमा सुमित्रा भने उपचारपछि अस्पतालबाट डिस्चार्ज भएको प्रहरीले जनाएको छ ।
