- ११ जेष्ठ २०८३, सोमबार / May 25, 2026
काठमाडौं, १५ फागुन । जिल्ला प्रशासन कार्यालय काठमाडौंले प्रतिनिधि सभा सदस्य निर्वाचनलाई मध्यनजर गर्दै रात्रिकालीन व्यवसाय सञ्चालनमा समय सीमा तोकेको छ ।
प्रशासनले फागुन १८ गतेदेखि लागू हुने गरी राति ९ बजेपछि सम्पूर्ण व्यवसाय बन्द गर्न निर्देशन दिएको हो । फागुन २१ मा हुने निर्वाचनको सुरक्षा संवेदनशीलतालाई ध्यानमा राख्दै उक्त निर्णय गरिएको जनाइएको छ । जिल्ला प्रशासन कार्यालयद्वारा जारी सूचनाअनुसार काठमाडौं जिल्लाभित्र सञ्चालन हुने होटल, रेस्टुरेन्टलगायत सबै रात्रिकालीन व्यवसाय अर्को निर्णय नभएसम्मका लागि राति ९ बजेसम्म मात्र सञ्चालन गर्न पाइनेछ ।
कार्यालयका प्रवक्ता तथा सहायक प्रमुख जिल्ला अधिकारी मुक्तिराम रिजालद्वारा हस्ताक्षरित सूचनामा निर्वाचन सुरक्षालाई प्राथमिकतामा राख्दै तोकिएको समयसीमा कडाइका साथ पालना गर्न सबै सरोकारवालालाई आग्रह गरिएको छ ।
उक्त व्यवस्था फागुन १८ गतेदेखि अनिवार्य रूपमा लागू हुने प्रशासनले स्पष्ट पारेको छ ।
