- ४ जेष्ठ २०८३, सोमबार / May 18, 2026
काठमाडौं, १६ फागुन । प्रतिनिधि सभा निर्वाचनको सुरक्षालाई मध्यनजर गर्दै जिल्ला प्रशासन कार्यालय काठमाडौंले फागुन १८ गतेदेखि मतदानको दिन (२१ गते)सम्म रात्रिकालीन व्यवसाय बन्द गर्ने निर्णय गरेको छ ।
प्रशासनले जारी गरेको सूचनाअनुसार उक्त अवधिभर राति ९ बजेपछि कुनै पनि व्यवसाय सञ्चालन गर्न पाइने छैन । निर्वाचन अवधिमा शान्ति सुरक्षा कायम राख्न र सम्भावित अवाञ्छित गतिविधि रोक्न यो निर्णय गरिएको जनाइएको छ । ‘अर्को निर्णय नभएसम्मका लागि राति ९ बजेसम्म मात्र सञ्चालन गर्ने र तत्पश्चात सम्पूर्ण व्यवसायीहरुले बन्द गर्न/गराउन सम्बन्धित सरोकारवालाको जानकारीका लागि यो सूचना प्रकाशित गरिएको छ’ , सूचनामा उल्लेख छ ।
निर्वाचनलाई स्वच्छ , निष्पक्ष र शान्तिपूर्ण रूपमा सम्पन्न गर्न प्रशासनले सुरक्षा सतर्कता कडा बनाएको जनाएको छ । व्यवसायी तथा सर्वसाधारणलाई सूचनाको पूर्ण पालना गर्न आग्रह गरिएको छ ।
