- २८ श्रावण २०८३, बिहीबार / Aug 13, 2026
रोल्पा, १६ फागुन । प्रतिनिधिसभा सदस्य निर्वाचनलाई लक्षित गर्दै रोल्पामा मदिराको बिक्री वितरणमा रोक लगाइएको छ । सुरक्षा व्यवस्था सुदृढ पार्ने उद्देश्यले प्रशासनले यस्तो निर्णय गरेको हो ।
निर्वाचनलाई स्वच्छ , निष्पक्ष र शान्तिपूर्ण रूपमा सम्पन्न गराउने लक्ष्यसहित मदिरा बिक्री वितरण , ओसारपसार तथा सेवन गर्न रोक लगाइएको जिल्ला प्रशासन कार्यालय रोल्पाले जनाएको छ । सहायक प्रमुख जिल्ला अधिकारी घनश्याम गौतमले सार्वजनिक सूचना जारी गर्दै फागुन १५ गते राति १२ बजेदेखि मतगणनाको अन्तिम परिणाम घोषणा नभएसम्म मदिरासम्बन्धी सम्पूर्ण गतिविधिमा रोक लगाइएको जानकारी दिएका छन् ।
निर्वाचन अवधिमा शान्ति सुरक्षा कायम राख्न उक्त निर्णय कार्यान्वयनमा ल्याइएको जनाइएको छ । साथै मदिरा बिक्री वितरण वा सेवन गरेको पाइए प्रचलित कानुनबमोजिम कारबाही गरिने चेतावनी समेत प्रशासनले दिएको छ ।
