- १ आश्विन २०८३, बिहीबार / Sep 17, 2026
खाँदबारी । मंगलबार रातिको अविरल वर्षापछि खुवासभाको चिचिला गाउँपालिका–३ सोलाखानीमा खसेको पहिरोमा पुरिएर एक जनाको मृत्यु भएको छ भने दुईजना घाइते भएका छन् ।
जिल्ला प्रहरी कार्यालय संखुवासभाका सूचना अधिकारी प्रहरी निरीक्षक रामकुमार लामिछानेका अनुसार पहिरोमा परी अरुण तेस्रो जलविधुत् आयोजनाका मजदुर बर्दियाका गङ्गाराम थारुको मृत्यु भएको छ भने घाइते हुनेहरुमा मकवानपुरका उमेश कार्की र गोविन्द थारू छन् । सामान्य घाइतेहरुको उपचार हाइड्रोपावरकै क्लिनिकमा गरिएको थियो ।
जलविधुत् आयोजनाले कामदारका निम्ति निर्माण गरेको क्याम्पका १४ वटा कोठामध्ये ३ वटा पहिरोमा पुरिएका छन् । कामदारहरु निदाएको बेला क्याम्पमा पहिरो खसेको थियो ।
